Hér gefur að líta nokkrar algengar spurningar sem okkur berast reglulega. Ekki hika þó við að senda fyrirspurn á tryggir@tryggir.is eða hringja í síma 590-1600 ef þú hefur aðrar spurningar og við svörum þér eins fljótt og auðið er.
Dæmi eru um, að tryggingaiðgjöld einstaklings hafi lækkað um 50.000 krónur á ári. Þetta er þó misjafnt eftir samningum, en oft getur sparnaður fólks verið á bilinu 10.000-30.000 á ári. Þessa milligjöf mætti ennfremur nýta í viðbótarlífeyrissparnað eða annan sparnað, sem T&R býður einnig upp á.
Það er afar einfalt að gerast viðskiptavinur T&R. Sendu okkur fyrirspurn með því að smella hér, sendu okkur tölvupóst á tryggir@tryggir.is eða hringdu í síma 590-1600 og við leysum fljótt og örugglega úr þínum málum.
Tryggingar og ráðgjöf ehf. er óháð vátryggingamiðlun og á ekki í neinu eignasambandi við tryggingafélög. Markmið okkar er fyrst og fremst að gæta hagsmuna viðskiptavinarins.
Hlutverk okkar er að meta vátryggingaþörf viðskiptavinarins, ráðleggja og leita hagstæðustu tilboða í þá vernd sem hann velur. Ef viðskiptavinurinn verður fyrir tjóni, gætum við réttar hans.
Árlega greinast um 1.100 einstaklingar með krabbamein á Íslandi skv. Vísindavef Háskóla Íslands og um þriðjungur Íslendinga fær krabbamein einhvern tíma á lífsleiðinni skv. heimasíðu Krabbameinsfélags Íslands. Krabbamein í blöðruhálskirtli er algengast meðal karla og krabbamein í brjóstum er algengast hjá konum.
Lungnakrabbamein er með næst hæst nýgengi hjá báðum kynjum og í þriðja sæti er krabbamein í ristli. Þegar krabbameinsskráning hófst á landinu árið 1954 var krabbamein í maga í efsta sæti hjá körlum en er nú komið niður í 6. sæti.
Lífshorfur eru mismunandi fyrir hin ýmsu mein og margir einstaklingar læknast. Í árslok 2004 voru um 9.000 einstaklingar á lífi sem höfðu einhvern tímann fengið krabbameinsgreiningu. Þar af höfðu yfir 33% karla greinst með mein í blöðruhálskirtli og yfir 35% kvenna greinst með mein í brjósti, en batahorfur eru góðar hjá þeim sem greinast með þessar tegundir krabbameina. Hins vegar voru einstaklingar sem höfðu greinst með lungnakrabbamein aðeins um 3% þeirra sem voru enn á lífi því horfurnar eru slæmar fyrir þetta tíðasta reykingartengda mein.
Nánari upplýsingar um nýgengi og algengi hinna ýmsu krabbameina er að finna í ársskýrslu Krabbameinsfélags Íslands á heimasíðu félagsins www.krabb.is.
Um þriðjungur Íslendinga fær krabbamein á lífsleiðinni og fjórðungur þeirra sem veikjast deyr af völdum þess. (hluti af svari við sömu spurningu af Vísindavef Háskóla Íslands)
Áhættuþáttum má skipta í tvennt; þætti sem við getum ekki breytt og þætti sem við getum breytt. Dæmi um áhættuþætti sem við getum ekki breytt eru erfðir, kyn og aldur. Hjarta- og æðasjúkdómar liggja í ættum og því fæst ekki breytt og einnig það að líkur á því að við fáum hjarta- og æðsjúkdóma aukast með auknum aldri og það að karlar fá að jafnaði 10 árum fyrr en konur er staðreynd. Þeir þættir sem við getum haft áhrif á til að minnka líkur á hjartasjúkdómi fela mögulega í sér breytingar á lífstíl fólks (af heimasíðu Hjartaverndar, www.hjartarannsokn.is).
Árið 2005 komu á þriðja þúsund einstaklingar í áhættumat Hjartarannsóknar. Fólkið sem kom var á öllum aldri en meðalaldur þeirra var um fimmtíu ár, bæði karlar og konur. Þeir sem komu voru að meðaltali með hærri áhættu en jafnaldrar borið saman við gögn Hjartaverndar. Möguleg skýring gæti verið að þeir sem fara í áhættumat hafa oft ættarsögu um hjarta- og æðasjúkdóma. Ættarsaga er þekktur áhættuþáttur en aðra áhættuþætti þarf líka að taka með í myndina og hafa í huga að líkur á að fá hjarta- og æðasjúkdóma er einstaklingsbundnar.
Fullorðnir einstaklingar sem vilja láta kanna líkurnar á að þeir fái hjartasjúkdóm. Einstaklingar sem hafa ættarsögu um kransæðasjúkdóma og allir yfir fertugt eru sérstaklega hvattir til að fara í áhættumat. (af heimasíðu Hjartaverndar, www.hjartarannsokn.is).
Ekki er víst að íslenskar konur líti á kransæðasjúkdóm sem líklegan skaðvald í lífi sínu en þó veldur hann dauða 18-19% kvenna á ári hverju. Kransæðasjúkdómur þróast á löngum tíma og þegar kransæðar, sem bera súrefnisríkt blóð til hjartans, þrengjast gefur sjúkdómurinn einkenni. (af heimasíðu Landlæknisembættisins)
Líkurnar á að fá hjartasjúkdóm eru mismiklar eftir einstaklingum. Á heimasíðu Hjartaverndar er aðgengileg reiknivél sem gerir einstaklingum kleift að reikna út áhættu sína af að greinast með hjartasjúkdóm á næstu tíu árum. Settir eru inn einstaklingsbundnir þættir á borð við kyn, aldur, þyngd, hæð, blóðþrýsting o.fl. Smelltu hér til að reikna þína áhættu.
Parkinsonsveiki einkennist af stífleika í vöðvum, skjálfta og minni hreyfigetu. Ekki er hægt að lækna sjúkdóminn, en með lyfjagjöf er hægt að halda honum í skefjum í langan tíma, og nú nýlega er með góðum árangri farið að græða rafskaut í heilann þar sem veikin á upptök sín. Á Íslandi fær einn af hverjum fimm þúsundum Parkinsonsveiki árlega. Enski læknirinn James Parkinson uppgvötaði sjúkdóminn 1817. Sjúkdómurinn er algengasti taugasjúkdómur, sem hrjáir eldra fólk.
Ekki er vitað, hvað orsakar Parkinson. Talið er, að bæði genatengd og utanaðkomandi áhrif (umhverfi, áhrif eiturefna ofl.) geti haft eitthvað um orsök sjúkdómsins að segja. Parkinsonismi er heiti á svipuðum einkennum og fylgja Parkinson. Sum lyf, sem gefin eru við andlegum sjúkdómum, aðallega sefandalyf (antipsychotic drugs), geta valdið Parkinsonisma. Ákveðinn hópur sjúklinga þjáist af parkinsonisma auk annarra einkenna tengdum taugakerfinu. Sjúkdómsferli u.þ.b. 10% þeirra, sem greinast með Parkinsonssjúkdóm er frábrugðið hefðbundnu ferli, áhrif meðferðarinnar verða önnur og sjúkdómurinn þróast á ófyrirséðan hátt. Blóðtappar í heila geta einnig leitt til Parkinsonisma. Sjúkdómurinn kemur oftast í ljós, þegar fólk er komið yfir fertugt. Tíðnin hækkar með aldrinum. Óalgengt er, að sjúkdómurinn láti á sér kræla fyrir fertugt. Tíðni hjá karlmönnum er aðeins hærri en hjá konum.
(af vefsíðunni www.doktor.is – smelltu hér til að lesa greinina í heild)
Hér á landi greinast fáir á ári hverju, eða um 6–12 manns. Það má kannski segja að það sé samt 6–12 manns of mikið.
Margir kunna að halda að hommar smitist fyrst og fremst af alnæmi, enda voru það aðallega hommar sem smituðust hér á landi í upphafi. Þetta hefur gerbreyst á undanförnum árum og síðastliðin ár hafa aðallega gagnkynhneigðir smitast, eða í 68% tilvika. Flestir sem greinast hér er ungt fólk á aldrinum 25–30 ára.
Í heiminum öllum er 1,2% mannkyns 15 ára og eldri er smitað af alnæmi.
(byggt á heimasíðu doktor.is, smelltu hér til að lesa nánar um þetta efni)
Gigtarsjúkdómar eru einn stærsti heilsufarsvandi sem þjóðin stendur frammi fyrir, ef ekki sá stærsti. Fimmti hver íslendingur er með gigt og ríflega fimmti hver öryrki hefur gigtarsjúkdóm sem fyrstu sjúkdómsgreiningu. Gigtarsjúkdómar teljast hátt á annað hundrað, en eru misalgengir. Fólk á öllum aldri greinist með gigtarsjúkdóma,. Algengastir gigtarsjúkdóma eru slitgigt, vöðva- og vefjagigt og iktsýki (liðagigt). Önnur nöfn eins og rauðir úlfar, Sjögren heilkenni, hryggikt, beinþynning ofl. eru þó daglega í umræðunni. (af doktor.is, smelltu hér til að lesa nánar um þetta efni)
Samkvæmt heimasíðu Landlæknisembættisins urðu alls 41.993 slys á Íslandi á árinu 2008. Þar af voru 11.831 umferðarslys og 14.322 heima- og frítímaslys. Út frá þessum upplýsingum má leiða að því líkur að um það bil einn af hverjum sjö Íslendingum lendi í slysi á hverju ári.
Já, í mörgum tilfellum er það hægt, en svörin eru misjöfn eftir samningstegundum. Leiðbeiningar má finna hér.
Margir velta fyrir sér hvort hægt sé að stöðva greiðslur tímabundið í sjóði Sun Life og Friends Provident. Svörin við þessu eru misjöfn eftir samningstegundum. Leiðbeiningar um hvernig bera skuli sig að má finna hér.
Iðgjöld líf- og sjúkdómatrygginga Friends Provident eru svokölluð jafnaðariðgjöld, þ.e. iðgjaldið er reiknað út við töku tryggingarinnar og er þá miðað við aldur, kyn, tímalengd samnings o.fl. Það iðgjald er síðan greitt til loka tryggingarinnar. Miðað við samningstíma er jafnaðariðgjald meira en helmingi ódýrara en stighækkandi iðgjald. Það er því ekki skynsamlegt til lengri tíma litið að segja slíkum tryggingum upp. Væntanlega er ástand gengismála tímabundið, og því þarf að skoða heildarmyndina. Ef tryggingum með jafnaðariðgjaldi er sagt upp og fyrirhugað að taka nýja tryggingu þegar ástandið lagast, yrði sú trygging dýrari sem nemur þeim tíma sem liðinn er af gömlu tryggingunni. Ekki er ráðlegt að segja upp líf- og/eða sjúkdómatryggingu fyrr en fengist hefur samþykki fyrir nýrri. Það er ekki víst að ný trygging fáist ef breyting hefur orðið á heilsufari.
Í líftryggingunni er hægt að lækka vátryggingafjárhæðina og þar með iðgjaldið.
Hafðu alltaf samband við ráðgjafann þinn ef þú vilt gera breytingar á heilsufarstryggingunum þínum.
Það er hægt og tekur mun skemmri tíma. Viðkomandi þarf helst að vera skráður eigandi reikningsins. Ef svo er ekki, flækist málið talsvert vegna laga um peningaþvætti.
Við hrun íslensku bankanna hættu breskir bankar að milifæra peninga til Íslands. Það bárust mjög misvísandi skilaboð frá íslensku bönkunum þ.m.t. frá Seðlabankanum. Þetta hefur breyst og greiðslur eru farnar að berast. Greiðslan ætti því að berast þér innan 2ja vikna. Enn er þó eitthvað um að millifærslur til Íslands í byrjun bankahrunsins hafi ekki skilað sér.
Ef þú vilt spyrjast fyrir um hvað tefur, er hægt að hafa samband beint eða með tölvupósti á eftirfarandi netföng:
Fyrst eftir að Sun Life og Friends Provident komu á markað hérlendis voru í gildi lög um 90% ríkistryggingu á inneignum hjá breskum tryggingafélögum, en síðan var stofnaður Samtryggingarsjóður breskra fjármála- og tryggingafyrirtækja sem tryggir 100% upp að fyrstu 2000£ og svo 90% eftir það af inneign sjóðfélaga. Bæði fyrirtækin eru mjög stór, Sun Life er í eigu AXA samsteypunnar sem er 15. stærsta fyrirtæki í heimi og Friends Povident veltir margföldum fjárlögum íslenska ríkisins.
Friends Provident býður upp á iðgjaldafrí ef innistæða er 500£ eða hærri. Í Flexible Investment Plan getur iðgjaldafríið verið frá 4 mánuðum til 2ja ára, en í Versatile og Option Investment Plan er það ótímabundið. Fylla þarf út þar til gerða beiðni sem finna má hér. Beiðnina er svo hægt að senda með því að skanna hana inn og senda í tölvupósti á netfangið GM-IcelandBrokers@friendsprovident.co.uk. Einnig er hægt að faxa hana á nr. + 44 1722 332 005.
Ef inneignin nær ekki 500£ er hægt að stöðva greiðslur tímabundið með því að senda Friends Providnet bréf þ.a.l. Ekki má þó stöðva greiðslur lengur en í 12 mánuði. Eftir þann tíma verður samningurinn óvirkur og ekki hægt að endurvekja hann. Þegar greiðslur hefjast á ný þarf að greiða upp útistandandi iðgjöld. Það er ágæt lausn að leggja mánaðariðgjaldið inn á bankareikning í íslenskum krónum og reikna með gengi pundsins c.a. 170 kr og greiða svo ógreidd iðgjöld í einu lagi. Þannig væri eins og aldrei hefði verið tekið greiðsluhlé.
Sun Life:
Vegna efnahagsástandsins býður Sun Life nú upp á frestun iðgjalda í 3 mánuði. Að þeim tíma liðnum verður innheimt 2x iðgjald þar til skuldin er uppgreidd. Ef þú vilt nýta þér þessa leið, þarftu að láta vita fyrir 12. des, annað hvort með því að faxa eyðublaðið AXA request for deferments of premiums Faxnr. 00 44 1179 890783 eða með því að skanna inn eyðublaðið og senda í tölvupósti á netfangið:
Einnig er hægt að stöðva greiðslur tímabundið með því að hafa samband við bankann sinn. Ekki má þó stöðva greiðslur lengur en í 12 mánuði. Eftir þann tíma verður samningurinn óvirkur og ekki hægt að endurvekja hann. Þegar greiðslur hefjast á ný þarf að greiða upp útistandandi iðgjöld. Það er ágæt lausn að leggja mánaðariðgjaldið inn á bankareikning í íslenskum krónum og reikna með gengi pundsins c.a. 180 kr og greiða svo ógreidd iðgjöld í einu lagi. Þannig væri eins og aldrei hefði verið tekið greiðsluhlé.
Það er alltaf hægt að innleysa sparnaðinn, en það getur verið að það sé ekki skynsamlegt eins og sakir standa. Samningurinn er langtímasamningur og því fyrr sem hann er innleystur, því líklegra er að inneignin sé lægri en það sem greitt hefur verið. Það fer þó eftir ýmsu, t.d. stöðu sjóða og ýmsu öðru - Sjá sjóðayfirlit Sun Life og Friends Provident.
Sparnaðurinn er bundinn í einingum í hluta- og skuldabréfasjóðum, en slík markaðsbréf hafa verið að lækka um allan heim. Verðmæti sjóðanna er því lágt um þessar mundir vegna stöðu á markaði. Að sama skapi fást nú mun fleiri fyrir einingar fyrir iðgjaldið, þannig að þegar sjóðirnir hækka á ný, skilar hækkunin sér hraðar til sjóðsfélaga vegna fjölda eininga. Sjá nánar: Einingar .
Ef þú vilt hins vegar leysa út inneign þína, geturðu fengið leiðbeiningar um hvernig að því skuli staðið hér.
Hafðu í hug að frá því að uppsögnin er send út, geta liðið 2 - 3 vikur þar til greiðsla berst.
Tryggingar og ráðgjöf ehf | Skeifunni 19 | 108 Reykjavík | Sími 590 1600 | Fax 590 1601 | Opið 9-12 og 13-17 | tryggir@tryggir.is
