Friends Provident
Var stofnað árið 1832 og er meðal virtustu fyrirtækja í heiminum á sviði líf- og sjúkdómatrygginga ásamt lífeyristryggingum. Friends Provident er nú hluti af Aviva, einu stærsta persónutryggingafélagi Bretlands, með starfsemi í fjölmörgum löndum.
Friends Provident hætti nýsölu á Íslandi 2014 en þjónusta við samninga þeirra er hjá viðkomandi vátryggingamiðlun, en einnig er hægt að hafa samband við þá beint á netfangið GM-IcelandBrokers@dgaviva.com eða með því að hringja í síma 00 44 1722326785.
Samningar Friends Provident sem T&R þjónustar eru:
Critical Illness Plan (Sjúkdómatrygging)
Homebuyer Plus Plan (Sjúkdómatrygging)
Level Term Assurance (Líftrygging)
Versatile Investment Plan (Sparnaður)
Directions Plan (Líf- og sjúkdómatrygging með söfnun)
Option Investment Plan (Sparnaður)
Smellið á hlekkinn hér fyrir neðan til þess að tilkynna nýtt greiðslukort vegna Aviva samninga en athugið að það þarf að hafa samningsnúmer við höndina.
Tilkynna nýtt kort
Fjármagnstekjuskattur vegna innlausnar söfnunarlíftryggina
Við viljum vekja athygli á því að innlausn söfnunarlíftrygginga er framtalsskyld og sennilegt að af henni beri að greiða fjármagnstekjuskatt af mismun milli greiddra iðgjalda og útgreiddrar líftryggingafjárhæðar.
Tryggingum og ráðgjöf ehf. er kunnugt um að Skatturinn er að skoða greiðslur sem þessar. Hafir þú ekki greint frá innlausn tryggingarinnar á skattframtali er hægt að senda inn til Skattsins leiðréttingu á því framtali.
Hafir þú leyst út söfnunarlíftryggingu eða fengið greiddar líftryggingabætur er hugsanlegt að þér berist fyrirspurn frá Skattinum vegna þeirrar greiðslu. Ef um innlausn vegna söfnunarlíftryggingar var að ræða og ekki hefur verið greiddur fjármagnstekjuskattur mun Skatturinn að öllum líkindum leggja á 25% álag á þann fjármagnstekjuskatt sem Skatturinn telur að hafi átt að greiða. Slíkt álag verður ekki lagt á ef þú sendir inn leiðréttingu að eigin frumkvæði.
Ef um líftryggingabætur var að ræða þá nægir að senda Skattinum gögn því til staðfestingar.
