Að gefnu tilefni vegna umfjöllunar um VPV, samstarfsaðila Tryggingar og ráðgjafar ehf. (T&R), meðal annars í Kveiksþætti RÚV hinn 2. desember 2025, vill T&R taka eftirfarandi fram.
T&R er ákaflega stolt af því að geta boðið viðskiptavinum þjónustu þýska líftryggingafyrirtækisins VPV á sviði líftrygginga- og lífeyrissparnaðar. VPV er gamalgróið og stöndugt fyrirtæki eins og fram kom í umfjöllun RÚV.
VPV er elsta starfandi líftryggingafyrirtæki Þýsklands, stofnað árið 1827, og starfar undir eftirliti þýska fjármálaeftirlitsins, Bafin. VPV er fjárhagslega mjög sterkt fyrirtæki með margfalt gjaldþolshlutfall sem þarf til að lögformlegu lágmarki.
VPV hefur fengið fjölmörg verðlaun í heimalandi sínu fyrir gott vöruúrval, mikil gæði og hátt þjónustustig. Virðing á heimamarkaði, langur starfsaldur og fjárhagslegur styrkur er öflug blanda til að tryggja öryggi viðskiptavina.
Enn fremur má benda á að VPV hefur náð afskaplega góðum árangri við ávöxtun á fé viðskiptavina sinna, samanber vandaða úttekt Aurbjargar (www.aurbjorg.is) á mismunandi ávöxtun móttakenda séreignasparnaðar á Íslandi. Það er þó nauðsynlegt að taka fram að ávöxtun í fortíð, er ekki trygging eða vísbending um ávöxtun í framtíð.
